2010年9月26日 星期日

曾經失去, 才懂得珍惜

我諗我比一般女仔懶於行街shopping, 唔係有目標要買野係千萬個唔願花時間去window shopping的人, 倒轉來說, 如果是大班人冇野做去行下我又通常都唔買唔甘心, 但自從跟同事試過一齊網購之後, 真係諗過從今之後買乜衫都上網, 就可以省下更多時間, 仲又平又唔怕咁易撞款.

殊不知, 因為膝痛的關係, 3個禮拜中行路的時間比上廁所還要少, 今天竟然可以行足2個半鐘冇停過, 唔俾人打電話催我走都未知天都快黑了. 原來能夠暢快的行行行, 想去邊就去邊, 係好幸福好痛快的一件事, 心情自不然好, 更好的是買到呢個冬天會令我倍覺溫暖的心頭好, 係tweed+漆皮+金屬的格仔袋, 雖然chanel style tweed已經興左唔知幾多季, 但實在punk得來太可愛了!


沒有留言:

張貼留言